Kıran ayın 3-dä açık derslär verildi üç okulda: Baurçu вaşlankı şkolasında, Baurçu gimnaziyasında, Kazayak liţeyindä. Hepsi derslär geçti gagauz dilindä.

Baurçu вaşlankı şkolasında, muzeydä, verildi urok ,,Gagauz  halkın istoriyası, kulturası hem adetleri” gagauz dilindä. Uroa verdi Çernioglo Svetlana 3-cü klasta. Bu urokta üüredici  tanıştırdı uşakları  gagauz halk imeklerinnän;  annattı,  angıları  kalmış eveldän da etişmişlär şindiki vakıtlaradan;  genişletti bilgilerini  tradiţional  millet imekleri için.

Urokta kullanıldı muzeyin êksponatları hem annadıldı onnarın istoriyalarından. Uşaklar gösterdilär sevgi kendi Vatanına, meraklıını millett tradiţional imeklerinä hem Halkın istoriyasına. Uroon çıkışında uşaklar açıkladılar kendi adamaklarını Gagauziya  kurulmasının uuruna.

Acık urok verildi Kazayak teoretik liţeyindä dä, 9 klasta, istoriya, kultura hem tradiţiyalar dersindä. Urok, angısını hazırladı üüredici Kol Elena, geçti okulun muzeyindä. Dersin teması adalıydı «Gagauziya Avtonomiya Bölgesi büünkü gündä».

Urok düzülüydü diil standart formada: urok-gezi. Bütün dersin uzunnuunda açiklandı bölä neetlär: tekrarlamaa ıstoriya sayfalarını; derinnetmää bilgileri Avtonomiyamız için; göstermää Gagauziyanın ilerlemesini. Urok düzülüydü ölä, ani kaplandı Avtonomiyanın ilerlemesinin herbir tarafı: istoriya, devletin simvolları, adetlär, kultura hem gösterildi, annadıldı şkola muzeyin eksponatları için. Koyulmuş neetlär tamannandı.

Bir gözäl hem etkili  ders geçti Baurçu gimnaziyanın muzezindä dä. Uroa hazırladı üüredici Çernioglo Maria. Açık urokta uşaklar üürendilär Stepan Kuroglunun annatmasını «Harmanda». Çok dikkatlı oldular üürenärkän gagauz çiftçilerin ecelini evelki vakıtlarında.